Gen師系列 | 《Stable Diffusion 無臉似顏繪 LoRA 訓練》- 中●

《Stable Diffusion 無臉似顏繪 Lora 訓練》- SD 簡易概念解釋

為左令大家更容易明白 Lora 係一個咩概念， 我先從Stable Diffusion既極簡易概念開始講起； Stable Diffusion 可以理解為, Gen 圖界既農夫， 佢既角色係提供最原始，未經加工既食材，而且免費派街坊

//

要享用呢D食材，係你眼前有兩個可行方案：

  1. 你可以選擇直接食呢Ｄ 原始食材 -- 即是用 SD 既 Base model

當然，it's raw, 味道未必會好適合你口味 而且，你通常需要某D 特定煮食器具 (SD hosting WebUI / platform)

先可以處理到呢D 原始食材黎食；

//

  1. 你亦可以選擇去餐廳食 -- 即是用現時市面上推出既，各種唔同 Gen 圖工具

例如Midjourney, Leonardo, Ideogram，同超過9成市面上各種既gen 圖工具

但去餐廳食就要俾返相應既價錢，而且口味由廚師同餐廳決定，相對自己煮，自由度同可控性就冇咁大

//

係呢個情況之下，有一班對煮食有熱誠既人 研究左第３同第４個方案 分別包括：

  1. 急凍即食包大法 (Fine-tuned model) 向大家免費派一D， 已經處理好, 煮好左既急凍即食包，俾大家返到屋企可以用最簡單最快既方法，自己翻熱黎直接食 -- 即是唔同contributors, 係一D 免費既開源平台，例如Civitai, Replicate, 分享用SD 既Base model , 微調訓練過後既模型, 俾大家用

  2. 調味料+味精大法 (LoRA) 如果都係嫌唔合適自己口味，最後就係用調味料+味精大法，將唔同調味料加落原始食材，或者急凍即食包度。用最少既處理成本，煮自己最想要既口味出黎 -- 即是我黎緊會share 既LoRA風格訓練。你可以透過訓練指定人物，特徵，特定物品，視覺風格，動作之類，令產出更具控制性

//

而隨住技術發展， LoRA風格訓練已經唔再好似一年前要求咁高

下篇再講講點用最少技術，等大家都可以試下訓練，第一個屬於自己風格既LoRA