隨筆 | 18世紀的 AI Scam●

<18世紀已經有的 AI Scam ：The Mechanical Turk 機械土耳其人>

1770年匈牙利有條友叫Kempelen發明左部自動捉棋機叫'The Turk' ，聲稱佢有人工智能，識得自動捉棋，而且具有能力職業棋手思考能力。

Turn out 其實部機入面真係裝左個真人職業棋手，佢用入面既齒輪人手操作棋步，但表面睇起上黎就好似係部機自動郁咁。呢個concept喺當時爆紅，部機不斷俾人帶去歐洲美洲各地做Demo , 甚至抽贏好多棋手同名人eg 拿破崙。

部機俾人玩到直至1834年，由最後一個owner既仔投稿上法國雜誌踢爆內幕先玩完。

你話部機係咪完全係電子垃圾？唔完全係，因為同電子一D關係都冇，而且入面設置既機關構造其實都複雜，都算係一個科技發明。只不過佢scam 左係最重要個個位：AI 。而佢事實上又真係inspire 到之後既科學家同發明家去研發更多相關既技術。

帶返黎今日AI Hype 既情況其實有少少類似；

AI冇錯發展得好快，Ｄ tech firm 大廠亦會吹得好大，講到無所不能咁；但實際上現階段人力投入依然係最主要，簡單如LLM Prompt design , 複雜如Data Collection & labeling 和者 AI Agent 點去設置 , 背後最重要都係人類智力既投入。

好多人覺得「AI」係一個科技議題；但事實上「AI」同時係一個人類學議題。

所以重點係要識企喺一個客觀既角度去睇AI 呢件事，唔好過份盲目相信AI可以為你帶黎無痛工作生活；了解The Turk 入面點運作，唔好俾棋盤表面既fancy野 distract 到係學AI 既其中一個基本原則。

有興趣可以去Perplexity / Wiki 搵多D相關 info :