隨筆 | 《其實你 可能冇想像中 咁有急切性用 AI 》 ●
《其實你 可能冇想像中 咁有急切性用 AI 》- AI 應用之必要性四問
呢一年半以黎，主流聲音都係同大家講 AI 係大趨勢，如果唔跟就好快會被淘汰 大家都會強調 AI 做到咩，點樣用AI 一時間又有好多軟件 / 工具開發出黎 因為好多人都想搵快錢，同時又有好多人擔心自己跟唔上個「潮流」而藥石亂投
//
AI 熱潮減退係必然會發生既事，不妨襯機會，反思下以下呢四個問題：
- 你「點解」要用 AI ?
- 你現有舊既工作流出現一定有佢原因，新既AI 工作流，效益同舊既分別係唔係真係咁大？
- AI 既價值，究竟有幾多係吹大，或者選擇性地被強調？
- AI 既功能性，有幾多係因為使用者上下限既擴大，有倖存者偏差而被誤傳？
//
站在個人角度 自我成長，提升自己創造事物既能力，令人生冇咁苦悶，多D 野玩同嘗試 係 AI 目前對我黎講最真實，最有價值既地方 有時舊既工作流，未必比新既AI 工作流差 應用則用，應學則學先係合理心態
//
站在企業角度 其實好多企業都跟風想將AI 應用落地，但忽略營運複雜性既情況都好普遍， 管理層唔重視 / 對AI 應用既先決條件 例如人為因素，人性化，Data 乾淨與否 唔重視疊代只擁抱成功，選擇硬推改革，追求短期效益 最後只會迎黎反彈，或者係計劃既不似預期而推倒
//
講呢D 比起「10個最有用的 AI 工具Prompt」之類，往往吃力不討好
因為睇落唔實用，容易得罪人，又唔係大家想要係social media 聽既野
但呢D 絕對係AI 呢個議題既核心，值得更多注意力同思考