隨筆 | 電子化 與 實體書●

係過份強調電子化既年代

我認為人更加需要， 行多D 圖書館同實體書店

我好鍾意行到入去圖書館， 俾唔同既分區，唔同既書櫃，包圍住既感覺

隨意地，冇目的地， 跟住自己心流，拎起自己有興趣既書揭頁

就算未必當刻搵到想要借走，或買走既書， 又或者就算借走左，返到屋企好大機會唔會翻睇

但呢個係一個沉浸式既探索過程， 俾自己利用潛意識， 去搵當刻最有需求，同最有興趣既範疇

呢種知識探索既沉浸感， 無論係電子化定係 AI 都始終帶唔到俾我既

對 shopping 買野個刻既快感有少少似 不過對象由物質變左做唔同既知識